४ असार,पर्वत-लोकदोहोरी क्षेत्रकी चर्चित गायिका देवी घर्ती र गायक क्षितिज सुनारको सुमधुर स्वरमा सजिएको नयाँ गीत ‘मायाको संग्रहालय’ को भिडियो सार्वजनिक भएको छ । गीतलाई आसिर प्रताप जंगको आधिकारिक YouTube च्यानलमार्फत सार्वजनिक गरिएको हो।
प्रेम र भावनाको मिठास बोकेको उक्त गीतमा करण सुनामीको शब्द तथा गणेश अधिकारीको संगीत रहेको छ। गीतले प्रेमका अनुभूति र सम्बन्धका विभिन्न पाटालाई कलात्मक ढंगले प्रस्तुत गरेको छ। देश तथा विदेशमा रहनुभएका सबैले गित सुनेर र भिडियो हेरर माया र हौसला प्रदान गरिदिन गायक क्षितिज सुनारले आग्रह गर्नुभएको छ ।
गीतको भिडियोमा आसिर प्रताप जंग र काव्य ठकुरीको आकर्षक अभिनय देख्न सकिन्छ। उनीहरूको जीवन्त प्रस्तुति र गीतको भावअनुसारको दृश्य संयोजनले भिडियो थप मनमोहक बनेको छ।
मिठो शब्द, कर्णप्रिय संगीत र उत्कृष्ट अभिनयको समिश्रण रहेको ‘मायाको संग्रहालय’ ले सार्वजनिक भएसँगै दर्शक तथा श्रोतामाझ सकारात्मक प्रतिक्रिया पाइरहेको छ। लोकदोहोरी संगीतप्रेमीहरूका लागि यो गीत विशेष रोजाइ बन्ने अपेक्षा गरिएको छ।
गीतको भिडियो
