29.1 C
Kathmandu
Friday, July 19, 2024

फलेवासमा टाइफाइड रोग विरुद्ध खोप अभियान सम्बन्धि नगर स्तरीय अभिमुखिकरण कार्यक्रम सम्पन्न ।

लक्ष्मण विश्वकर्मा/पर्वतको फलेवास नगरपालिकामा टाइफाइड रोग विरुद्ध खोप अभियान सम्बन्धि नगर स्तरीय अभिमुखिकरण कार्यक्रम सम्पन्न भएको छ । नगरपालिकाको आयोजनामा उक्त कार्यक्रम मंगलबार सम्पन्न भएको हो । फलेवास नगरपालिकाका सबै वडामा पनि यहीँ चैत २५ गतेबाट १५ महिनादेखि १५ बर्षसम्मका बालबालिकाहरुलाई खोप लगाउने अभियान सुरु गरिने स्वास्थ्य शाखा प्रमुख रुद्र शर्मा सापकोटाले जानकारी दिनुभयो । खोप सम्बन्धि नगरको समग्र योजना तथा लक्ष्य अनुसार प्रगति हासिल गर्ने योजना तर्जुमा गरिएको उहाँले बताउनुभयो । खोप सुरक्षित रहेको र लगाउनुपर्ने आवश्यक भएकाले लक्षित उमेरका सबै बालबालिकाहरुले अनिवार्य खोप लगाउनुपर्नेमा सापकोटाले जोड दिनुभयो ।कार्यक्रममा बोल्दै प्रमुख प्रशासकीय अधिकृत कृष्ण प्रसाद श्रेष्ठले टाइफाइड रोगबाट बच्नका लागि सबै बालबालिकाले खोप लगाउन आग्रह गर्नुभयो । सम्बन्धित सबै सरोकारवालाहरुले खोप अभियानलाई प्रभावकारी बनाउन सहयोग गर्नुपर्ने उहाँको भनाइ थियो । फलेवास नगर अस्पतालका प्रमुख डा. ध्रुव कुमार क्षेत्रीले खोप अभियानका बारेमा जानकारी गराउनुभएको थियोे । कार्यक्रममा वडा अध्यक्ष तथा कार्यपालिका सदस्यहरु, नगरका शाखा प्रमुखहरु, स्वास्थ्य चौकी इन्चार्ज, स्वास्थ्य आमा समुह लगायतको उपस्थिति रहेको थियो । सामाजिक विकास समिति अध्यक्ष तथा वडा नं. ९ का वडा अध्यक्ष गंगाधर शर्माको अध्यक्षता, नगर शिक्षा अधिकारी कृष्ण आचार्यको स्वागत मन्तव्य र स्वास्थ्य शाखा प्रमुख रुद्र शर्मा सापकोटाको संचालनमा कार्यक्रम सम्पन्न भएको थियो ।

ताजा

Related Articles