नेपाल मगर भुतपुर्व सैनिक तथा प्रहरी संघ कुश्माको आयोजना खेलकुद कार्यक्रम सम्पन्न,प्रौढ भलिबलमा कुश्मा प्रथम

121
पर्वत-नेपाल मगर भुतपुर्व सैनिक तथा प्रहरी संघ कुश्माले आयोजना गरेको विविध खेलकुद कार्यक्रम भव्य रुपमा सम्पन्न भएको छ । यहीँ माघ १२ गतेदेखि कुश्मामा संचालित कार्यक्रम आइतबार सम्पन्न भएको हो । कार्यक्रममा संचालित प्रौढ भलिबल प्रतियोगितामा आयोजक कुश्मा पर्वत प्रथम हुन सफल भएको छ भने क्याङ पर्वत दित्तिय भएको छ । प्रौढ पुरुष भलिबलमा प्रथम हुनेले नगद ६५ हजार ५ सय ६५ र दृतिय हुनेले ३५ हजार ५ सय ३५ साथमा शिल्ड मेडल र प्रमाणपत्र प्राप्त गरेका छन् ।
त्यस्तै महिला भलिबल प्रतियोगिता कुश्मा नगरपालिका वडा नं. ४ को टिम प्रथम भएको छ भने टिम लक्ष्मी कुश्माको टिम दित्तिय भएको छ ।महिला भलिबलमा प्रथम हुनेले १५ हजार र दिर्तिय हुनेले १० हजार साथमा शिल्ड मेडल र प्रमाणपत्र प्राप्त गरेका छन् ।
भलिबलमा प्रौढ तर्फ १२ टिम र महिलातर्फ ६ टिमको सहभागीता रहेको थियो ।
२६ जनवरीको अवसरमा बिगतका बर्षमा जस्तै यो बर्ष पनि ३ दिनसम्म बिबिध खेलकुद कार्यक्रमको आयोजना गरिएको नेपाल मगर भुतपुर्व सैनिक तथा प्रहरी संघ कुश्मा नगर समितिका अध्यक्ष गुम बहादुर पुनले बताउनुभयो । कार्यक्रमलाई सफल बनाउन आर्थिक नैतिक र भौतिक रुपमा सहयोग गर्नुहुने सबैलाई उहाँले धन्यवाद ज्ञापन गर्नुभयो । संस्था निरन्तर सामाजिक कार्यमा क्रियाशिल रहेको अध्यक्ष पुनको भनाइ थियो । कार्यक्रमलाई सफल बनाउन आर्थिक सहयोग गर्नुहुने सहयोगीहरुलाई सम्मान तथा मायाको चिनो प्रदान गरिएको छ । कार्यक्रममा नगर प्रमुख, संस्थाका अध्यक्ष तथा पदाधिकारीहरुले खेलमा बिजेता टिमलाई पुरस्कार वितरण गर्नुभएको थियोे ।
भलिबल प्रतियोगितामा प्रौढ प्रौढतर्फ आयोजक टिम कुश्माका सन्तोष गुरुङ म्यान अफ द म्याच हुनुभयो भने महिला भलिबलतर्फ कुश्मा-४ कि डमिका पुर्जा म्यान अफ द म्याच बनेर सम्मान प्राप्त गर्नुभयो ।
कार्यक्रममा विभिन्न बिधाका उत्कृष्ट खेलाडीलाई सम्मान गरिएको थियोे ।
नेपाल मगर भुतपुर्व सैनिक तथा प्रहरी संघ कुश्मा नगर समितिका अध्यक्ष गुम बहादुर पुनको अध्यक्षतामा सम्पन्न कार्यक्रमको संचालन संस्थाका सचिव पृथ बहादुर मगरले गर्नुभएको थियोे ।

 

LEAVE A REPLY

Please enter your comment!
Please enter your name here